كتب :د. أشرف الكاردينال
السر ثم السر ثم السر ثم بقيه الأدباء والشعراء واهل الابداع والامتاع والأخلاق والفن.. نعم رجل امه ،،بل امه في رجل،،
نعم سعاده العم والفنان الجميل،، فهكذا كنت اناديه ،،ويطيب لي ان احاجيه،،وهكذا سوف يبقي ويكون ذاك الانسان النبيل الي ان ينفخ البوق اسرافيل،،
الان تجلت رائعته في عقلي ونفسي(بسأل عليك في روض يانعات الزهور بسأل عليك بدراً تفوقو جمال ونور )ما كنت أعلم انها تصف مقامه ومكانه في الجنان حيث رياض الجنه وحدائق غلبا ويانعات الزهور وجميلات الحور،، ولم يخطر ببالي انه كان يسال ويشتاق للذي يفوق البدر جمال ونور حبيب ساكن المدينه ام سورصلوات الله عليه ووشفاعه ورحمه منه اليك
احزنني فراقك يا عم السر،، والمني اكثر شراء امتار قبرك قبل موتك،،انسيت ياصاحب الضحكه البهجه انك من كتبت انابلدي بلد الخير والطيبه فيهو جناين وارضو خزائن،،والله كنت اتمني ان يضاف لخزائن بلدنا أعظم كنوز السودان الشعريه والادبيه ومادح سيد البريه الا وهو جسدك الطاهر النقي وسط اهلك واحبابك ،،
ياود قدور انت عارف نحن بنحبك وبنحلف بك ولا ماك عارف؟؟؟
ياود قدور الكتابه عنك تحتاج الي حبر ازرق بحجم النيل الازرق والي اعتكاف
شهور ودهور،،لان القلم والفهم توقفا هنا رفضا للمواصله وحزنا علي الفراق،، و لان سيرتك فيها شئ يحير يغير اتجاه الزول،،
اللهم اني اسالك بسر الذات وذات السر ارحم واكرم عبدك ود قدور السر
الكاردينال