فكيتو الرسن وضيعتٌ الطريق —

◾️خطاب قائد الملي’شيا اليوم خطاب زول مغلوب والغٌلب حار صراحة عجبت لأمره وهو يردد غيرو اللعبة المعركة يوميا بتتجدد وقال انتصرنا نهار وليل طيب حميرتي لو انت كل يوم لعبتك بتتجدد وكل يوم منتصر امال وين الناس ووين المدن ووين الشوارع الرجعت ووين الاقاليم وحكمة الله قلتو عايزين تنضفوا القصر الجمهوري هسي أصبحتوا من كركور لـ شجرة ..

◾️المنتصر ما بحتاج يصرخ كل يوم انو منتصر المنتصر فعله بيتكلم قبله وكمان بقى بتاع فوازير حقيقة وأمثال قال ليهم ( ابو فزع في البيت في الخلا ما بندق ) بالعكس يا حميرتي الخلا تبعك كله بقى بيوت فاضية وابو فزع ذاتو هرب من الخوف وانت عارف وين عاين دارفور دي اهلها الأصلين هل معاك ما ياهم خلوها ونزحوا معسكرات جاد والدبة ..

◾️والجميل في خطاب المعتوه حميرتي اسلوب الشك في قواته ونظرية التخوين قال ليهم ما تصورو الزول البصور دا طابور
يعني الغبي عارف قواته قاعد تصور الحقيقة وتثبت وتوثق الجريمة قدام الكاميرا بنفسها يا مليشاوي عمره ( دس المحافير ما بدس الشمس ) الشارع كله بقى مصور من فوق وانتو بقيتو المكشوفين
..

◾️وتعال هنا من متين المليش’يا تبعك الرسن ما عندهم من يومهم قتلة وشفشافة ورسنهم في يدهم لا يسمعوا كلامك انت لا اخوك الرمة داك بس ياهو يا حميرتي المثل دا بنطبق عليك
( ادي الحمار رسن براهو بوديك الخلا ) وفعلا الرسن في يدكم بس الحصان تاه والطريق ضاع ليكم وبقيتوا في التحلكم ..

◾️غايتو يا جنجا قال ليكم تلقونا قدام ياهو عايز يقطع طاريكم
المٌفتح فيكم يعرد الزول دا بكملكم جت …

لعنة الله على المليشيا ..

عائشة الماجدي